З мэтай папулярызацыі беларускай мовы сярод выхаванцаў дзяржаўнай установы адукацыі «Яслі — сад № 73 г.Магілева» 19 студзеня былі арганізаваны пазнавальныя і цікавыя мерапрыемствы. Агульная тэма ўсяго дня прысвячалася беларускаму народнаму адзенню.

Выхаванцы малодшых групп, разглядалі лялек у беларускіх вопратках, узбагачалі слоўнікавы запас, гулялі з лялькай у гульні.

Дзяцей старэйшага дашкольнага ўзросту у музычнай зале сустракалі сапраўдныя гаспадары ў беларускіх народных вопратках. Яны пазнаемілі дзяцей з беларускім нацыянальным касцюмам — комплексам адзення, абутку і аксесуараў, якія склаліся на працягу стагоддзяў для выкарыстання беларусамі ў штодзённым і святочным ужытку. Свята беларускага народнага касцюма прайшло з гульнямі, песнямі, танцамі. Хлопчыкі і дзяўчаты адгадвалі загадкі на роднай мове, а таксама даведаліся пра культуру беларускага ткацтва и вышыўкі.

Свае веды выхаванцы замацавалі у прадуктыўных відах дзейнасці: аплікацыі, маляванні, дзіцячым ручным ткацтве.
Дзень роднай мовы прайшоў цікава, а галоўнае пазнавальна.

Загадчык Капенкіна Т.А.