Дашкольны ўзрост — найбольш спрыяльны для далучэння дзяцей да беларускай культуры, традыцый, да нацыянальных каштоўнасцей.

Кожны чацвер і апошні тыдзень месяца адукацыйны працэс у дзяржаўнай установе адукацыі «Яслі-сад № 13 г. Магілева» праходзіць на беларускай мове. Выхаванцы нібыта апынаюцца ў казцы, дзе па ўзмаху чароўнай палачкі ўсе дарослыя пачынаюць размаўляць на роднай мове. Гэта дае магчымасць расшыраць слоўнікавы запас дзяцей за лік звычайных узаемаадносін: звярнуцца за дапамогай, паддзячыць за справу, задаць пытанне і г.д.

Становіцца традыцыяй праводзіць спаборніцтвы паміж групамі ў такі беларуска моўны тыдзень. У чацвер у дзіцячым садзе выхаванцы груп прадэманстравалі свае веды аб птушках, жывелах Беларусі, распазнавалі дзяржаўныя сімвалы Рэспублікі Беларусь, расказвалі аб вырабах дэкаратыўна-прыкладнога мастацтва, зробленных з гліны, саломы, ільну, дрэва.

Шмат радасці і задавальнення дзецям прынеслі беларускія гульні «Грушка», «Чырвоныя і зяленыя». Дзякуючы гэтым сяброўскім спаборніцтвам, выхаванцы маюць магчымасць не толькі разумець беларускую мову, але і размаўляць на ей.

Кіраўнік фізічнага выхавання
Валянціна Такмянінава