18 снежня ў дзяржаўнай установе адукацыі «Сярэдняя школа № 6 г. Магілёва» адбылося ўрачыстае мерапрыемства, прывечанае 80-годдзю з дня нараджэння пісьменніка Беларусі Івана Чыгрынава. Увазе гледачоў была прапанавана літаратурна-музычная кампазіцыя «Жыццёвымі шляхамі Івана Чыгрынава».

Для школы імя пісьменніка значыць вельмі многа. На вуліцы, якаяназвана імем творцы, размешчана школа. У 2003 годзе на будынку школы была ўсталявана мемарыяльная дошка І. Чыгрынава. І ўжо сапраўднай традыцыяй стала для школьнікаў і педагогаў ўшанаванне памяці нашага слаўнага земляка.

Мерапрыемства было падрыхтавана супрацоўнікамі Магілёўскай гарадской дзіцячай бібліятэкі імя А. С. Пушкіна сумесна з школьнай бібліятэкай (загадчык Алістрава С. М.).
Ганаровымі гасцямі свята сталі таршыня Магілёўскага аддзялення Саюза пісьменнікаў Беларусі У. У. Дуктаў і галоўны спецыяліст Магілёўскага аддзялення Саюза пісьменнікаў Беларусі А. І. Царакаў.

Настаўнік беларускай мовы і літаратуры
ДУА «Сярэдняя школа № 6 г. Магілёва» Лобах О. В.